Аўтар(к)ам

Выдавецтва “Скарына” адрознае ад большасьці іншых беларускіх выдавецтваў. Мы знаходзімся ў Вялікабрытаніі — далёка ад Беларусі і большасьці краінаў, дзе нашыя суродзічы цяпер жывуць у значнай колькасьці. Таму мы робім і распаўсюджваем кнігі крыху інакш. Гэта можа выдатна пасаваць адным аўтар-к-ам, і зусім не — іншым.

Як мы працуем з аўтар(к)амі

Нам цікавая перадусім мастацкая, навуковая і навукова-папулярная літаратура па-беларуску. І па-ангельску — на беларускія тэмы. І нам вельмі цікава ўсё, што мае дачыненьне да стваральнай дзейнасьці беларускай эміграцыі.

Мы возьмемся за тыя кнігі, у якія ў нас будзе вера і на якія ў нас ёсьць сілы. Ёсьць багата цудоўных твораў, якія па-за абшарам нашай экспэртызы. Напрыклад, дзіцячыя кніжкі. Іншыя выдавецтвы ў такіх выпадках зробяць лепшую за нас працу.

"Скарына" не публікуе кнігаў на замову.

Беларускі кніжны рынак параўнальна маленькі, таму многія кнігі мусяць мець фінансаваньне. Наш падыход (друк на запыт) дазваляе значна зьменшыць папярэднія выдаткі, але застаецца кошт перакладу, літаратурнага рэдагаваньня, праца мастакоў і пад. Разам з аўтар(к)амі мы знойдзем аптымальны варыянт.

Мы, канешне ж, дасылаем дармовыя аўтарскія асобнікі і можам прапанаваць аўтар(к)ам неабмежаваную колькасьць асобнікаў па сабекошце.

Калі вы думаеце, што мы — правільнае для вас выдавецтва, то напішыце нам (кантакты ўнізе старонкі).

Як мы друкуем

Большасьць нашых кніг друкуецца на запыт (print on demand).

У друку на запыт ёсьць праблемныя моманты.

Таму некаторыя кнігі мы друкуем традыцыйным спосабам у Польшчы і Летуве.

Фарматы нашых кнігаў

Як мы распаўсюджваем

Нашыя кнігі лёгка набыць і атрымаць па пошце, але паштовыя выдаткі могуць быць не па кішэні многім суродзічам. Таму мы ладзім прэзэнтацыі і вечарыны, і  амаль усе кнігі таксама выходзяць у электронным варыянце. Дзе набыць

Калі для вас прынцыпова, каб кніга была ў кнігарнях у Беларусі або шырока прадстаўленая ў Польшчы, іншыя выдавецтвы зробяць гэтую працу лепш за нас.

Прамоцыя выдадзеных кніг — важная частка таго, чым займаецца выдавецтва. Для гэтага ў нас ёсьць сацыяльныя сеткі і неабыякавыя рэдактары-кі.

Мы не плянуем выстаўляць нашыя кнігі ў вольны доступ задарма так доўга, як існуе выдавецтва.